24 май куни Тошкентдан Москвага учган Наргиз Зокирова Домодедово аэропортида ҳибсга олинди, деб ёзади «Интерфакс».
«Наргиза Зокирова Россияга киритилмади. У айни пайтда аэропортда ушлаб турилибди», — дейилади хабарда.
Қайд этилишича, у Ўзбекистонга депортация қилиниши мумкин.
Ушбу хабарга ойдинлик киритиш мақсадида журналист Феруз Муҳаммад Наргиз Зокированинг тоғаваччаси, актёр Жавоҳир Зокиров билан боғланди. Айни пайтда Туркиянинг Истанбул шаҳрида, «Мендирман Жалолиддин» сериали съёмкасида иштирок этаётган Жавоҳир Зокиров ушбу маълумотни тасдиқлади.
«Шунақа бўлиб қолибди. Мен ҳам бу воқеа бўлганини Туркияда эшитиб турибман. Наргиз Россиянинг Украинадаги махсус операцияси ҳақида Instagram Stories’ида чиқишлар қилганди. Мен уни огоҳлантирганман. ‘Шунақа нарсаларга аралашма, ҳар хил гаплар ёзма, жойлама’, дегандим. Лекин огоҳлантиришларимга қарамади, бу гапларимга қулоқ солмади.
Ҳаттоки сўнгги вақтларда у билан ижодий ҳамкорликни тўхтатиб, келишмай қолгандик. Уч-тўрт кун гаплашмай юрдик. Охири у билан ишламасликка қарор қилдим. Бошқа иложим қолмади», — дейди актёр.
Изоҳ (0)