Пиёз, сабзи ва шакар қимматлашди. Ўзбекистон бозорларидаги озиқ-овқат нархлари эълон қилинди

Давлат статистика қўмитаси томонидан ҳудудий марказий деҳқон бозорларида ўтказилган кузатув натижалари бўйича алоҳида турдаги озиқ-овқат маҳсулотларининг 2022 йил 25 май ҳолатига кўра минимал-максимал нархлари эълон қилинди.

Маҳсулотлар нархларида 20 майдагига нисбатан ўзгариш кузатилган, хусусан, пиёз, сабзи, ўсимлик ёғи, картошка ҳамда шакар бироз қимматлашган.

2022 йил 25 май ҳолатига кўра маҳсулотлар нархлари:

• суякли мол гўшти (1 килограмм) – 45 000—73 000 сўм;
• қўй гўшти (1 килограмм) – 55 000—86000 сўм;
• картошка (1 килограмм) – 3000—8000 сўм (+500);
• пиёз (1 килограмм) – 2000—6000 сўм (+1000);
• сабзи (1 килограмм) – 2000—7000 сўм (+1000);
• тухум (10 дона) – 6500—15 000 сўм;
• гуруч (1 килограмм) – 5000—21 000 сўм (+500);
• ўсимлик ёғи (1 литр) – 15 400—28 000 сўм (+400);
• шакар (1 килограмм) – 9000—14 000 сўм (+1000).