Ўзбекистон банкларида муаммоли кредитлар кескин кўпайди

Марказий банк 2022 йил 1 май ҳолатига кўра банкларнинг муаммоли кредитлари тўғрисида маълумот берди.

Унга кўра, банклардаги жами кредит портфели 340,2 трлн сўмгача етган. Бу ўтган ойга нисбатан 4 млрд сўмга камроқдир.

Банклардаги умумий муаммоли кредитлар (NPL) миқдори 1,25 трлн сўмга кескин ошиб, 18 трлн сўмга етган. Умумий кредит портфелидаги NPL улуши 5,3 фоизга етган. 

Бу 2022 йил учун энг баланд кўрсаткичдир. Аввалги энг баланд кўрсаткич 2022 йил 1 декабрь ҳолатига қайд этилган бўлиб, NPL миқдори 18,3 трлн сўмга етганди.

Банклар орасида NPL миқдори энг кўп «Ўзсаноатқурилиш» банкда кўпайган — 1 трлн сўмга. 

Муаммоли кредитларнинг улуши бўйича энг баланд кўрсаткич «Ўзагроэкспортбанк»да — банкнинг жами кредитлардаги NPLулуши 89,4 фоизни ташкил қилди.

Аввалроқ Марказий банк кредитлар тўғрисида фуқаролардан келиб тушган мурожаатларга муносабат билдирган эди.