Шавкат Мирзиёев 25 май куни АҚШ президенти Жозеф Байденга ҳамдардлик йўллади. Бу ҳақда президент матбуот котиби хабар қилди.
Қайд этилишича, бунга Техас штати Ювалде шаҳарчасида содир бўлган отишма сабаб бўлган. Отишма оқибатида инсонлар ҳалок бўлган ва тан жароҳатлари олганди.
Техасдаги отишма
24 май куни 18 ёшли йигит мактабда отишма содир этди. Ҳодиса оқибатида 14 нафар бола ва ўқитувчи, шунингдек, гумонланувчининг ўзи ҳалок бўлгани хабар қилинди. Кейинчалик отишма қурбонлари сони 21 кишига етгани аниқланди. Байден Конгрессга йўллаган мурожаатида қурол лоббисига қарши курашиб, қурол бўйича қонунчиликка қўшимча чекловлар киритиш зарурлигини айтди.
«Мамлакат сифатида биз қачон қурол лоббисига қарши чиқамиз, деб сўрашимиз керак. Мен бундан чарчадим. Биз ҳаракатга ўтишимиз керак. Биз бу қирғинга таъсир қила олмаймиз деб менга айтманг», — деди Байден.
Изоҳ (0)