Shavkat Mirziyoyev 25-may kuni AQSH prezidenti Jozef Baydenga hamdardlik yo‘lladi. Bu haqda prezident matbuot kotibi xabar qildi.
Qayd etilishicha, bunga Texas shtati Yuvalde shaharchasida sodir bo‘lgan otishma sabab bo‘lgan. Otishma oqibatida insonlar halok bo‘lgan va tan jarohatlari olgandi.
Texasdagi otishma
24-may kuni 18 yoshli yigit maktabda otishma sodir etdi. Hodisa oqibatida 14 nafar bola va o‘qituvchi, shuningdek, gumonlanuvchining o‘zi halok bo‘lgani xabar qilindi. Keyinchalik otishma qurbonlari soni 21 kishiga yetgani aniqlandi. Bayden Kongressga yo‘llagan murojaatida qurol lobbisiga qarshi kurashib, qurol bo‘yicha qonunchilikka qo‘shimcha cheklovlar kiritish zarurligini aytdi.
“Mamlakat sifatida biz qachon qurol lobbisiga qarshi chiqamiz, deb so‘rashimiz kerak. Men bundan charchadim. Biz harakatga o‘tishimiz kerak. Biz bu qirg‘inga ta’sir qila olmaymiz deb menga aytmang”, — dedi Bayden.
Izoh (0)