БАА икки йилдан сўнг биринчи марта Европага нефть жўнатди

Бирлашган Араб Амирликлари (БАА) Европага нефть етказиб беришни қайта тиклади. Бу ҳақда Bloomberg хабар берди.

Франциянинг TotalEnergies нефть-газ компанияси томонидан ижарага олинган Мосcоw Спирит нефть танкери БААдан Голландиянинг Роттердам портига йўл олган. Унда 1 млн баррелга яқин Амирлик нефти мавжуд.

Тотал, шунингдек, Мисрга нефть супертанкерини юборди, у ҳам Ўрта Ер денгизи Седи Керир порти орқали Европага йўл олиши мумкин.

Охирги марта БАА нефти Европага икки йил аввал, 2020 йилнинг май ойида, коронавирус тарқалиши ва нефть бозори қулаши даврида етказилган эди.

Юк ташиш кузатуви портали VesselFinder маълумотларига кўра, Moscow Spirit кемаси Мисрнинг Сувайш портидан 20 май куни жўнаб кетган, танкер эса 1 июнгача Роттердамга етиб бориши керак.

Экспертлар томонидан Россияга қарши нефть эмбаргоси ​​таҳдиди фонида БААдан Европа мамлакатларига хом нефть етказиб бериш ҳажми ошиши тахмин қилинмоқда.

Аввалроқ нефть нархи 115 доллардан ошгани Ўзбекистонга қандай таъсир қилиши ҳақида хабар берилган эди.