Ижтимоий тармоқларда Қашқадарё вилояти Ғузор туманидаги 2-мактабда 4-синф ўқувчиси жисмоний тарбия фани ўқитувчиси томонидан аёвсиз калтаклангани ҳақида хабарлар тарқалди. Вилоят Ички ишлар бошқармаси ҳолатга муносабат билдирди.
Қайд этилишича, ҳозирда ҳолат юзасидан Ғузор тумани ИИБ томонидан терговга қадар суриштирув ҳаракатлари олиб борилмоқда. Текширув якуни билан қўшимча ахборот берилади.
Боланинг онаси юз берган воқеадан сўнг Nasafnews’га шикоят билан чиққан. «Ёлғиз боламизнинг бу даражада калтаклангани бизга қаттиқ руҳий зарба бўлди», — дейди у.
Бундан аввал Андижонда ўқитувчисини ҳақорат қилган ўқувчи калтаклангани, Бухорода мактаб директори ўқувчи қизни калтаклагани, Сирдарёда ўқитувчи ва мактаб директори ўринбосарини калтаклаган шахсларга 3 сутка қамоқ жазоси тайинлангани хабар қилинганди.
Изоҳ (0)