Ijtimoiy tarmoqlarda Qashqadaryo viloyati G‘uzor tumanidagi 2-maktabda 4-sinf o‘quvchisi jismoniy tarbiya fani o‘qituvchisi tomonidan ayovsiz kaltaklangani haqida xabarlar tarqaldi. Viloyat Ichki ishlar boshqarmasi holatga munosabat bildirdi.
Qayd etilishicha, hozirda holat yuzasidan G‘uzor tumani IIB tomonidan tergovga qadar surishtiruv harakatlari olib borilmoqda. Tekshiruv yakuni bilan qo‘shimcha axborot beriladi.
Bolaning onasi yuz bergan voqeadan so‘ng Nasafnews’ga shikoyat bilan chiqqan. “Yolg‘iz bolamizning bu darajada kaltaklangani bizga qattiq ruhiy zarba bo‘ldi”, — deydi u.
Bundan avval Andijonda o‘qituvchisini haqorat qilgan o‘quvchi kaltaklangani, Buxoroda maktab direktori o‘quvchi qizni kaltaklagani, Sirdaryoda o‘qituvchi va maktab direktori o‘rinbosarini kaltaklagan shaxslarga 3 sutka qamoq jazosi tayinlangani xabar qilingandi.
Izoh (0)