Фильмлардаги ҳақиқатга тўғри келмайдиган, фақат кино ижодкорларининг тасаввурида яратилган энг машҳур 8 та ёлғон

Фильмлардаги саҳналар томошабинни экран қаршисига михлаб қўйиш учун таъсирчан ва ранг-баранг бўлиши керак. Аммо баъзида киноижодкорлар фильм яратишда хатога йўл қўйишади ва биз экранда кўраётган ҳодисалар ҳақиқатдан анча йироқ бўлади.

Суд жараёни ҳис-туйғуларга тўла эрк бериб олиб борилади

Адвокатларнинг суддаги оташин нутқлари ҳайратланарли даражада ажойиб кўринади. Қаҳрамон мижозни маҳорат билан ҳимоя қилади. Аммо ҳақиқий ҳаётда суд жараёни илҳомлантирувчи пафосдан кўра кўпроқ тушкун ҳолатда ўтади.

Адвокатлар ва юристлар судда бақирмайди ёки баланд овозда баёнотлар бермайди, чунки бундай хатти-ҳаракатлар тақиқланган. Жараён иштирокчилари суд залида ўзларини жуда вазмин ва хотиржам тутишади, чунки қатъий одоб-ахлоқ қоидалари мавжуд, уларни бузганлик учун жаримага тортилишингиз ёки ҳатто расмий мақомингизни йўқотишингиз ҳам мумкин. Албатта, адвокатлар ўз обрўсини йўқотишни хоҳлашмайди, шунинг учун улар ўз нутқларида ҳиссий баёнотларга йўл қўймайдилар.

Пиранялар — даҳшатли дарё йиртқичлари

Кинода бу турдаги балиқлар ақл бовар қилмайдиган тажовузкор, чинакам даҳшатли жониворларга айланади. Яхшиямки, одамлар ёки йирик ҳайвонлар аслида пиранялар рационига киритилмаган. Улар асосан денгиз ҳашаротлари, балиқлар, қуртлар; баъзи кичик турлари эса фақат уруғлар ва сув ўтлари билан озиқланади. Пиранялар фақат озиқ-овқат кам бўлган ёки хавфни ҳис қилган ҳолларда одамларга ҳужум қилиши мумкин.

Маймунлар асосан банан ейди

Биз кино ва мультфильмларда сон-саноқсиз банан еяётган ёқимтой маймун қиёфасига ўрганиб қолганмиз. Аслида эса ёввойи табиатда маймунлар асосан барглар, гуллар, ёнғоқлар ва ҳашаротлар билан озиқланади.

Бундан ташқари, одамлар ўрганиб қолган банан хонакилаштирилган ва маданий ўсимлик ҳисобланади. Приматларнинг яшаш муҳитида уни деярли ейишмайди. Албатта, бу маймунлар уларни умуман емайди дегани эмас, лекин банан уларнинг асосий озуқаси ҳисобланмайди. Баъзи ҳайвонот боғларида ҳайвонларни банан билан боқиш ҳатто тақиқланган, чунки улар жуда юқори калорияли, бу эса ҳайвонларда турли касалликларнинг ривожланишига олиб келиши мумкин.

Катта шаҳарларда машинада қувиш

Катта шаҳарлар кўчаларини тирбандликсиз кўришнинг ягона йўли — автомобиллар бир-бирини қуваётган лаҳзалардир. Аслида бундай пойга бошланганидек тез тугайди, чунки катта шаҳарларда ҳақиқатан ҳам тирбандлик билан боғлиқ катта муаммо бор ва асабий ҳайдовчилар билан машиналар ўртасида манёвр қилишнинг умуман иложи йўқ.

Шифокорлар барча соҳаларнинг мутахассислари

Машҳур Грегори Ҳаус тез ёрдам хонасида беморларни текширади, шифохона бўлимига ташриф буюради, кейин эса энг мураккаб операцияларни бажаради, умуман олганда, ўнлаб шифокорларнинг ишини қилади. Аммо доктор Ҳаус реал шахс эмас, балки шифокорлар ҳақидаги умумий афсонадир.

Ҳар бир шифокор маълум бир мутахассислик билан бирга, маълум бир масъулиятга эга. Ва жиддий аралашувга муҳтож бўлган беморлар билангина кўплаб шифокор ва ҳамширалар мулоқот қилади. Битта шифокор барча муолажаларни амалга ошириша олмайди ва бундай ҳуқуққа эга ҳам эмас.

Суд-тиббиёт экспертлари ўша жойнинг ўзида хулосаларини беради

Кинода терговчи ва полициячилар кўпинча суд-тиббиёт экспертлари ёрдамига мурожаат қилишади ва улар жиноят содир бўлган жойда деярли тайёр хулоса беришади.

Аслида эса суд-тиббий экспертиза муддати кўплаб омилларга боғлиқ ва ўртача 2 ҳафтадан бир неча ойгача давом этиши мумкин. Ҳеч қачон экспертлар далиллар топилганидан бир неча соат ўтгач, ўз фикрларини билдирмайди.

Инсонлар миясининг атиги 10 фоизидан фойдаланади

Инсон миясининг атиги 10 фоизини ишлатиши ҳақидаги афсона ўтган асрда пайдо бўлган, аммо ундан замонавий кино ҳали ҳам фойдаланмоқда. Бунга мисол бўлиши мумкин бўлган энг машҳур фильмлар — «Люси» ва «Зулмат ҳудудлари»дир. Агар инсон ўз миясининг 10 фоиздан кўпроғини ишлатса, у дарҳол суперменга айланиши мумкинлигига ишонилади.

Олимлар узоқ вақтдан бери бу афсонани рад этиб келишган. Аслида одамзод бу кул ранг модданинг бутун ҳажмидан фойдаланади. Шунчаки, миянинг барча соҳаларини бир вақтнинг ўзида фаоллаштириб бўлмайди.

Ёнғинга қарши тизим кичик олов учун ҳам бутун хонани сув билан тўлдиради

Фильмлардаги ёнғин пуркагичлари зажигалка ёки ҳатто шам алангасида ҳам ишлаб кетади ва қаҳрамонларни ажойиб тетиклантирувчи душ билан таъминлайди. Лекин аслида фақат битта пуркагич ишлайди. Бундан ташқари, механизм ишлаши учун иссиқлик керак — ёнган қоғоздан чиққан тутун ёки шам ёруғлиги етарли бўлмайди.