Ўзбекистонда 2022 йилнинг биринчи чорак якунларига кўра, рақобат қонунини бузувчи хўжалик юритувчи субъектлар рўйхатига 57 та компания киритилган. Бу ҳақда «Дарё»га Монополияга қарши курашиш қўмитасининг статистикасидан маълум бўлди.
Масалан, «Сайёра Ҳасан» компанияси «Брадобрей» МЧЖ томонидан аввал фуқаролик муомаласига киритилган «Брадобрей» товар белгисидан ноқонуний фойдаланган.
«International expo group» компанияси Iteca Exhibitiongning реклама ахборот материалларидан нусха кўчиргани маълум бўлган.
«Пўлат» компаниясининг «Рамелла» белгиси остидаги шоколад маҳсулоти Ferrero’нинг «Nutella» товар белгиси остидаги шоколад маҳсулотига ўхшашлиги маълум бўлган.
«Тафаккур қаноти» компанияси «Темурийлар кутубхонаси сирлари» китобини нашр қилиш чоғида «Янги аср авлоди» аввал нашр этган китобнинг муқоваси дизайнини такрорлагани маълум бўлди.
Uniquye Cosmetutical Laboratoriyes’нинг «Звездочка» фармасевтика препарати «Доминанта-Сервис»нинг «Звездочка» товар белгиси остидаги фармасевтика препаратига адаштириб юбориш даражасида ўхшаш деб топилган.
Батафсил рўйхат билан ушбу линк орқали танишиб чиқиш мумкин.
Изоҳ (0)