Самарқанд вилоятининг Паст Дарғом тумани Жума шаҳрида жойлашган цемент сақлаш омборхонасидаги тахминан 4 сотих ер майдонида яширин равишда 2 минг туп марихуана гиёҳвандлик ўсимлигини етиштириш билан шуғулланган шахслар ушланди. Бу ҳақда вилоят ИИБ ахборот хизмати хабар берди.
Маълум қилинишича, келиб тушган маълумотлар асосида ДХХ ва ИИБ ходимлари томонидан тезкор тадбир ўтказилган. Тадбир давомида ҳақиқатан ҳам омборхонада гиёҳвандлик ўсимлиги борлиги, уни 46 ёшли фуқаро эккани, ўсимликни 38 ва 30 ёшли шахслар парвариш қилиб келгани аниқланган.
Тезкор тадбир ўтказилаётганидан хабар топган шахслар омборхонага ўт қўйиб юборган. Натижада 2 минг туп марихуанадан 1,4 минг тупга яқини ёниб кетган.
Тадбир давомида 610 туп марихуана ўсимлиги ҳужжатлаштириб олинган. Ҳолат юзасидан 3 нафар шахсга нисбатан Жиноят кодексининг 273-моддаси 5-қисми билан жиноят иши қўзғатилиб, гумонланувчилар қўлга олинган.
Аввалроқ Самарқандда уч нафар фуқаро омборхонада 610 туп марихуана парваришлаб келгани аниқланганди.
Мавзуга доир:
Изоҳ (0)