Фарғона ва Наманган солиқ бошқармаларига янги раҳбарлар тайинланди

Президентнинг фармойиши билан Фарғона ва Наманган вилояти солиқ бошқармаларига янги раҳбарлар тайинланди. Бу ҳақда Давлат солиқ қўмитаси хабар қилди.

Қайд этилишича, Адҳамжон Тиллаволдиев Фарғона вилояти давлат солиқ бошқармаси бошлиғи этиб тайинланган. У 1965 йилда туғилган. 1986 йилда Марғилон режа-иқтисод техникумини, 1992 йилда Андижон иқтисодиёт ва бошқарув институтини тамомлаган. Солиқ хизматининг I даражали маслаҳатчиси ҳисобланади.

Тиллаволдиев 2018 йилдан буён Наманган вилояти давлат солиқ бошқармаси бошлиғи лавозимида ишлаб келаётган эди.

Фарғона вилояти давлат солиқ бошқармаси бошлиғи лавозимида ишлаб келган Шукуруллохон Нисбатхонов Қашқадарё вилояти давлат солиқ бошқармаси бошлиғи этиб тайинланган эди.

У мазкур лавозимга тайинлангунга қадар Наманган вилояти давлат солиқ бошқармаси бошлиғининг биринчи ўринбосари лавозимида фаолият юритиб келаётган эди.

Бойханов 1972 йилда туғилган. 1994 йилда Тошкент давлат иқтисодиёт университетини, 2007 йилда Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.

Аввалроқ Давлат солиқ қўмитаси раиси Шерзод Кудбиев Фискал институт ректори этиб тайинлангани, ДСҚ раисининг биринчи ўринбосари Самарқанд шаҳрига ҳоким бўлгани, Шерзод Кудбиевга янги ўринбосар тайинлангани ҳақида хабар берилган.