Италия А Сериясининг 2021/22 йилги мавсумдаги энг яхшилари аниқланди.
«Милан» устози Стефано Пиоли 2021/22 йилги мавсум А Серияда энг яхши мураббийи топилди. Пиоли мураббийлик фаолияти давомида илк бор соврин қўлга киритди. 56 ёшли мутахассис 2019 йилдан буён «Милан»ни бошқариб келмоқда.
«Милан» ҳужумчиси Рафаэл Леау Италия чемпионатининг энг яхши футболчисига айланди.
Ғолибни аниқлашда нафақат статистик маълумотлар, балки тўпсиз ўйин, жамоа ҳаракатларига қўшган ҳиссаси, шунингдек, техник кўрсаткичлар ҳам ҳисобга олинади.
22 ёшли португалиялик футболчи «россонерилар» сафида 34 та ўйинда иштирок этиб, 11 та гол ва 8 та голли узатмага муаллифлик қилди.
«Лацио» ҳужумчиси Чиро Иммобиле мавсум тўпурарига айланди. Италиялик ҳужумчи А Сериянинг 31 ўйинида 27 та голга муаллифлик қилди. Ундан кейинги ўринларни Душан Влаҳович (24 та гол) ва Лаутаро Мартинес (21 та гол) эгаллади.
«Интер» вакили Марсело Брозович мавсуминг энг яхши ярим ҳимоячиси деб топилди. «Милан» посбони Майк Меньян эса мавсум дарвозабонига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)