«Манчестер Юнайтед» Англия Премьер Лигасининг 38-турида «Кристал Пэлас»га 0:1 ҳисобида мағлуб бўлди.
Манкунианликлар ҳужумчиси Криштиану Роналду бел соҳасидаги кичик жароҳати туфайли ўйинни ўтказиб юборди. Ральф Рангник шогирдлари жорий мавсум Премьер Лигада португалиялик юлдуз иштирок этмаган бирорта ўйинда ғалаба қозона олмади.
Роналду мавсум бошида, чемпионатнинг учта тури ўйналгандан сўнг «Ювентус»дан «Манчестер Юнайтед»га ўтган эди.
Шундан сўнг у турли сабабларга кўра «қизил иблислар»нинг АПЛдаги 5 та ўйинини ўтказиб юборди. Жамоа усиз ўтган ўйинларнинг иккитасида дуранг ўйнаган бўлса, учтасида мағлубиятга учраган.
Криштиану Роналду 2021/22 йилги мавсум Англия Премьер Лигасида 30 та ўйинда майдонга тушиб, 18 та гол ва 3 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)