«Барселона» Испания чемпионатининг 38-турида «Вильярреал»га 0:2 ҳисобида имкониятни бой берди.
Каталонияликлар 2008 йилдан буён илк бор ўз майдонида «Вильярреал»га мағлуб бўлди. Бу давр ичида «Камп Ноу»да 2 марта дуранг натижа қайд этилган бўлса, 11 марта кетма-кет «кўк-анорранглилар» ғалабага эришган.
«Вильярреал» устози Унаи Эмери «Камп Ноу»даги 14-ўйинида илк бор ғалаба қозонди. Бунга қадар «ПСЖ», «Севилья», «Валенсия» каби жамоаларни бошқарган мураббий каталонияликлар стадионида 13 ўйиндан буён мағлуб бўлиб келаётган эди.
«Барселона» 2021/22 йилги мавсум барча мусобақаларда 86 та гол уришга муваффақ бўлди. Жамоа 2004/05 йилги мавсумдан буён илк бор юзтадан кам гол урди.
Испания чемпионатида эса Хави шогирдлари 68 та гол урди. Бундан кам гол сўнгги бор 2003/04 йилги мавсумда қайд этилган бўлиб, ўшанда жамоа 63 та гол билан мавсумни якунлаган эди.
Изоҳ (0)