«Реал» Килиан Мбаппе трансфери барбод бўлгач, бошқа ҳужумчи излашни бошлади

«Реал» Килиан Мбаппе трансфери амалга ошмагандан сўнг, топ-ҳужумчи излашга тушди.

Мадрид клуби ҳужум чизиғини кучайтира оладиган форвард изламоқда, дея хабар беради АС нашри.

Роберт Левандовски («Бавария»), Ҳарри Кейн («Тоттенҳэм»), Рафаэл Леау («Милан»), Кристофер Нкунку («Лейпциг») ва Дарвин Нуньес («Бенфика») «қаймоқранглилар» қизиқишлар доирасида турибди.

Левандовскининг мюнхенликлар билан амалдаги шартномаси 2023 йилнинг ёзида ўз якунига етади. Унга «Барселона» асосий даъвогар бўлиб турибди. Аввалроқ томонлар шахсий келишувга эришгани хабар қилинганди.

Бундеслигада мавсум кашфиёти бўлган Нкункуга «Бавария»дан қизиқиш мавжуд. Дарвин Нуньес эса «Атлетико»га ўтиши мумкинлиги ҳақидаги хабарлар янграганди.

«Реал»га ўтиши кутилган Килиан Мбаппе «ПСЖ» билан амалдаги шартномасини 2025 йилга қадар узайтирди. Мадридликлар Килианнинг трансферига таъсир кўрсатмаслик учун Эрлинг Ҳоланд учун курашдан ҳам чиққан эди.