«Милан» Италия чемпионатининг 38-турида «Сассуоло»ни мағлуб этиб, А Серия чемпионлигини қўлга киритди.
«Россонерилар» А Сериянинг уч очколик даврида чемпион бўлган энг ёш жамоага айланди. Жамоанинг ўртача ёши — 26 ёш-у 97 кун.
«Милан» 11 йил деганда илк бор Италия чемпионига айланди. Шунингдек, бу миланликлар учун 2016 йилнинг декабридан кейинги дастлабки соврин бўлди. Олти йил аввал жамоа Италия Суперкубогида зафар қучганди.
«Милан» ҳужумчиси Браҳим Диас ҳам ўзига хос рекорд муаллифига айланди. 22 ёшли футболчи АПЛ, Ла Лига ва А Серия чемпионлигини қўлга киритган энг ёш футболчига айланди. Браҳим Англияда «Манчестер Сити» (2018 йил) билан, Испанияда эса «Реал Мадрид» (2020) сафида чемпионатни ютганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)