Одатда оёқ бармоқларида сувли қадоқ янги пойабзални бирданига кун давомида кийиш натижасида кузатилади. Wday нашри бундай вазиятда нима қилиш кераклигини ва қадоқни қандай даволаш кераклигини маълум қилди.
Сувли қадоқ нима?
Тиниқ суюқлик тўпланган теридаги қабариқ сув қадоғидир. Терининг ишқаланиш жойида устки қатлам кўчади ва унинг остида ҳужайралараро суюқлик тўпланади. Дастлабки босқичда қадоқ шишмайди, у фақат давомли ишқаланиш билан пайдо бўлади.
Қоида тариқасида, қадоқ нозик терига эга одамларда ҳосил бўлади. Сув пуфагининг юзасига тегиниш оғриқ билан бирга кечади. Пуфакдаги терининг тасодифий ёки қасддан очилиши билан суюқлик ундан оқиб чиқади. Яра ҳосил бўлиб, унга инфекция осонгина кириб боради. Ва бу жуда хавфли оқибатларга олиб келиши мумкин.
Сувли қадоқ пайдо бўлганда нима қилиш керак?
- Агар қадоқ кичкина бўлса, уни бактерицид пластир билан ёпиш мумкин. Унга остига озгина ярани даволовчи крем қўйиш тавсия этилади.
- Агар пуфак каттароқ ҳажмга эга бўлса, унда жарроҳ билан маслаҳатлашиш яхшироқдир. У тозалик шартларига риоя қилган ҳолда пуфакчани очади, ярани даволайди ва кейинги ҳаракатлар бўйича тавсиялар беради.
- шикастланган сиртнинг ярми ёки ундан кўпи йиртилмаган бўлса, олиб ташламайди;
- тери кўчган жойни водород перикс билан намлаб, зелёнка суртиш керак;
- пуфак бинт бўлаги билан босилади, шунда суюқлик оқиб чиқиб кетади;
- терининг юзасига антибиотикни ўз ичига олган ҳар қандай мазни қўллаш мумкин, уни бактерицид пластир билан ёки бинт билан ўраш лозим;
- боғламни кунига икки марта ўзгартириш ва кечаси олиб ташлашни унутмаслик керак.
Агар иситма пайдо бўлса, ўзингизни заиф ҳис қилсангиз дарҳол шифокор билан маслаҳатлашинг! Агар ярада йиринг ва унинг атрофида қизил шиш пайдо бўлса, шифокорга мурожаат қилишни кечиктирмаслик керак.
Сувли қадоқнинг энг катта хавфи инфекция эҳтимолидадир. Сувли қадоқ эпидермиснинг сирт қатламининг ажралиши бўлиб, унда пуфакча лимфа суюқлиги билан тўлдирилади. Буни қуйидагича даволаш ҳам мумкин:
- Аввал тери антисептик эритма билан даволанади.
- Юпқа игна билан қадоқнинг сирт қатламини тешилади.
- Суюқлик сиқиб чиқарилади.
- Яна антисептик суртилади.
- Бўшлиқ яна сув билан тўмаслиги учун қаттиқ боғлам тақилади.
Изоҳ (0)