Маълум бўлишича, сут ва творог организм учун жуда ҳам зарур бўлган кальцийнинг ягона манбаи эмас. Сут маҳсулотларига аллергияси бўлган инсонлар учун ушбу фойдали элемент билан таъминлайдиган муқобил маҳсулотлар мавжуд.
Ҳатто болалар ҳам кальцийнинг тиш, суяклар ва бириктирувчи тўқималар саломатлиги учун масъул эканини билади. Афсуски, ушбу элемент организм томонидан ўз-ўзидан ишлаб чиқарилмайди, шунинг учун уни истеъмол қилиш саломатлик учун жуда муҳим.
Балиқ
Балиқ организм учун ажойиб кальций етказиб берувчи ҳисобланади. Атиги 100 грамм лосос ёки сардина тахминан 350 миллиграмм кальцийни ўз ичига олади. Бир киши учун кунлик норма эса 1000 миллиграммни ташкил этади. Бундан ташқари, лосос балиғи организмда кальцийнинг сўрилишига ёрдам берадиган Д витаминининг манбаи саналади.
Сули ёрмаси
Сули ёрмасининг ўртача порциясида тахминан 200 миллиграмм кальций мавжуд. Шунинг учун ҳам тонгни сули ёрмаси ўрин олган нонушта билан бошлаш организм учун фойдали.
Кўкат ва яшил сабзавотлар
Исмалоқ, салат барги, майданоз (петрушка) ва карам ҳам кальцийга бой. Тушлик ёки кечки овқат пайтида юқорида санаб ўтилган сабзавотлар истеъмол қилинса, организм саломатлик ва гўзаллик элементи — кальцийга бўлган кунлик эҳтиёжнинг деярли ярмини қабул қилади.
Цитрус мевалар
Ажабланарли, аммо ҳақиқат: бир стакан апельсин ёки грейпфрут шарбати бир стакан сутга қараганда кўпроқ кальцийни ўз ичига олади. Бироқ ҳаддан ташқари кўп ичиш мумкин эмас, чунки уларнинг таркибида кўп миқдорда шакар мавжуд. Шарбатдан ҳафтасига бир ёки икки стакан ичиш саломатлик учун меъёрий ҳисобланади.
Анжир
Маълум бўлишича, ҳатто қандли диабетга чалинган беморларга ҳам тавсия этиладиган анжир меваси кальцийга ниҳоятда бой. Олимлар кунига 4 дона анжир истеъмол қилиш кальцийга бўлган кунлик эҳтиёжнинг тўртдан бир қисмини таъминлашини аниқлади.
Изоҳ (0)