Австралия либераллар партияси раҳбарлигидаги коалиция мамлакатда бўлиб ўтган сайловларда мағлубиятга учради. Бу ҳақда The Guardian хабар берган.
«Австралиянинг амалдаги бош вазири Скотт Моррисон парламент сайловларидаги мағлубиятини тан олди ва партия раҳбарлигидан кетишини эълон қилди», — деб ёзмоқда газета.
Нашр берган маълумотга кўра, сайлов участкалари ёпилишига бир неча соат вақт қолганида бир қатор таҳлилчилар либераллар бошқарувидаги коалициянинг Миллий партия кўмагида ҳам парламентдаги 76 ўриндан иборат минимум натижага эриша олмаслигини тахмин қилганди.
Энди лейбористлар партияси етакчиси Энтони Элбаниз сайловларда ғалаба қозонгани учун кейинги Вазирлар Маҳкамаси таркибини шакллантиришга уриниб кўради. Бироқ Элбаниз ҳам ҳукумат тузиш учун тўлиқ ғалаба қозониб улгурмаган ва якуний натижалардан кейин коалиция тузиш юзасидан музокаралар олиб бориши мумкин.
Изоҳ (0)