Андижонда 2 тонна истеъмолга яроқсиз номаълум ҳайвон ички аъзолари олиб кетилаётгани аниқланиб, йўқ қилинди.
ИИВ Жамоат хавфсизлиги департаментининг маълум қилишича, Андижон вилояти ИИБ ЖХХ ЖЦБ Карантин тадбирларни таъминлаш бўлинмаси ҳамда вилоят Ветеринария ва чорвачиликни ривожлантириш бўлими ходимлари томонидан ЙПХ масканларида назорат рейд тадбирлари ўтказилган.
Рейд давомида Isuzu юк машинасида ветеринария-санитария қоидаларига зид равишда, тахминан, 2 тонна оғирликдаги истеъмолга яроқсиз номаълум ҳайвон ички аъзолари олиб кетилаётгани аниқланиб, ўрнатилган тартибда йўқ қилиш чоралари кўрилган.
Бундан аввал Сурхондарёдан Тошкентга номаълум ҳайвонга тегишли гўшт маҳсулотларини олиб келаётган учта автомобиль тўхтатиб қолингани, Жиззахда Nexia юкхонаси ва салонидан Тошкентга олиб кетилаётган 712 кило номаълум ҳайвон гўшти топилгани, Бухородан Тошкентга 500 кило истеъмолга яроқсиз гўшт олиб кетаётган Isuzu тўхтатиб қолингани ҳақида хабар берилганди.
Изоҳ (0)