Ижтимоий тармоқларда Наманган вилояти Косонсой туманига 22 май куни сел келгани ҳақида хабарлар тарқалди. Вилоят Фавқулодда вазиятлар бошқармаси ҳолатга муносабат билдирди.
Қайд этилишича, шу куни вилоятда ёғган ёмғир оқибатида Косонсой туманидаги Косонсой сойига ёмғирдан тўпланган сувлар келган. Бундан ҳудуддаги аҳоли яшаш хонадонлари, экин майдонлари ҳамда бошқаларга зарар етмаган.
«Ҳозирда вилоятдаги сойлар тўлиқ назоратга олинган ҳамда сел келиш хавфининг олдини олиш, уни бартараф этиш мақсадида Наманган вилояти ФВБ кун-у тун шай ҳолатда», — дейилади хабарда.
Бундан аввал Наманган вилояти Янгиқўргон туманидаги кўприкнинг бир қисми кучли ёғингарчилик оқибатида емирилгани ҳақида хабар берилган эди. «Ўзгидромет» дам олиш кунлари республика бўйича жала ёмғир ёғиши ва шамолнинг кучайиши кутилаётганидан огоҳлантирганди. Шунингдек, 20—23 майда рсепубликанинг тоғолди ва тоғли ҳудудларида сел-сув тошқин ҳодисалари юзага келиши мумкин.
Изоҳ (0)