Ижтимоий тармоқларда Бухоро вилоятида кучли чанг бўрони акс этган видеолавҳалар бўйича Фавқулодда вазиятлар вазирлиги расмий маълумот берди.
Маълум қилинишича, республика бўйлаб гидрометеорологик табиат ҳодисаси бўлган кучли шамол эсиши Навоий вилоятининг Навоий шаҳар, Қизилтепа, Кармана ва Навбаҳор туманларида, Бухоро вилоятининг Бухоро шаҳри ва Ғиждувон Пешку, Ромитан туманларида, Самарқанд вилоятининг Пахтачи туманида ҳамда Қашқадарё вилоятининг Муборак тумани ҳудудларида кузатилди.
Ушбу табиат ҳодисаси оқибатида талафотлар бўйича ҳудудий ФВБларига ва ҳамкорликдаги хизматларга мурожаатлар келиб тушмаган.
«Шу ўринда эслатиб ўтамиз кузатилган кучли шамол оқибатида Хоразм вилоятининг Урганч шаҳри ва Урганч туманида ва Навоий вилоятининг Учқудуқ туманларида бир нечта уйларнинг том қисмини учириб туширган, воқеа жойида тан жароҳати олганлар йўқ Фавқулодда вазиятлар вазирлигининг вилоят бошқармалари томонидан вазият оқибатларини бартараф этиш ишлари амалга оширилди.
Жойларда аҳоли ва ҳудудларни муҳофаза қилиш функциясига эга ташкилотлар мутахассисларидан иборат штаблар фаолият юритмоқда», – дейилади вазирлик хабарида.
Изоҳ (0)