Qashqadaryo viloyatining ayrim hududlarida kuchli shamol bo‘lib, chang ko‘tarilishi kuzatilmoqda. Bu haqda “Daryo” muxbiri xabar berdi.

Avvalroq “O‘zgidromet” 21-dekabr kuni ayrim hududlarda chang bo‘roni kuzatilishi mumkinligidan ogohlantirgandi.

IIV YHXBB mazkur holat sabab barcha haydovchilarni ehtiyotkor bo‘lib harakatlanishga chaqirgan.“Barcha haydovchilardan yo‘llarda ehtiyotkor bo‘lib, tezlik me’yoriga rioya qilgan holda, oraliq masofani saqlab harakatlanishlarini so‘raymiz”, — deyiladi idora xabarida.

Eslatib o‘tamiz, 19-dekabr kuni Samarqand va Qashqadaryo viloyatlarining ayrim hududlarida kuchli shamol va changli bo‘ron kuzatilgandi. O‘sha kuni soat 13 dan 15 gacha Toshkent, Jizzax, Sirdaryo viloyatlarida yomg‘ir yog‘ishidan oldin shamol kuchayishi, ba’zi joylarda qisqa muddatga changli bo‘ronlar ko‘tarilishi mumkinligi ma’lum qilingandi.