Ijtimoiy tarmoqlarda Buxoro viloyatida kuchli chang bo‘roni aks etgan videolavhalar bo‘yicha Favqulodda vaziyatlar vazirligi rasmiy ma’lumot berdi.
Ma’lum qilinishicha, respublika bo‘ylab gidrometeorologik tabiat hodisasi bo‘lgan kuchli shamol esishi Navoiy viloyatining Navoiy shahar, Qiziltepa, Karmana va Navbahor tumanlarida, Buxoro viloyatining Buxoro shahri va G‘ijduvon Peshku, Romitan tumanlarida, Samarqand viloyatining Paxtachi tumanida hamda Qashqadaryo viloyatining Muborak tumani hududlarida kuzatildi.
Ushbu tabiat hodisasi oqibatida talafotlar bo‘yicha hududiy FVBlariga va hamkorlikdagi xizmatlarga murojaatlar kelib tushmagan.
“Shu o‘rinda eslatib o‘tamiz kuzatilgan kuchli shamol oqibatida Xorazm viloyatining Urganch shahri va Urganch tumanida va Navoiy viloyatining Uchquduq tumanlarida bir nechta uylarning tom qismini uchirib tushirgan, voqea joyida tan jarohati olganlar yo‘q Favqulodda vaziyatlar vazirligining viloyat boshqarmalari tomonidan vaziyat oqibatlarini bartaraf etish ishlari amalga oshirildi.
Joylarda aholi va hududlarni muhofaza qilish funksiyasiga ega tashkilotlar mutaxassislaridan iborat shtablar faoliyat yuritmoqda”, – deyiladi vazirlik xabarida.
Izoh (0)