«Ўзгидромет» 21—22 май кунлари Ўзбекистоннинг айрим ҳудудларида чанг-тўзон кузатилиши мумкинлигидан огоҳлантирди.
Маълум қилинишича, 21 май куни Ўзбекистоннинг шимолий ва чўл ҳудудларида, 22 май куни эса республика бўйича баъзи жойларда шамол тезлиги 23—28 метр/сонияга етиши мумкин. «Айрим жойларда шамол чанг-тўзон билан кузатилиши мумкин», — дейилади хабарда.
Гидрометеорология хизмати маркази фуқароларни эҳтиёт чораларини кўришга ҳамда машиналарни дарахтлар ва реклама тахталари остига қўймасликка чақиради.
17 май куни «Ўзгидромет» бош директори Шерзод Ҳабибуллаев ўзининг Facebook’даги саҳифаси орқали 18–23 май кунлари кутилаётган кучли ёғингарчиликлар сабаб республиканинг тоғолди ва тоғли ҳудудларида сел хавфи юзага келиши мумкинлигидан огоҳлантирганди.
Изоҳ (0)