Қорақалпоғистон Республикаси Вазирлар Кенгашининг қарори билан инвестициялар ва ташқи савдо вазирига огоҳлантириш, транспорт вазирига эса ҳайфсан берилди.
Маълум қилинишича, Вазирлар Кенгаши раисининг ўринбосари — инвестициялар ва ташқи савдо вазири Бахитжон Ҳабибуллаев президент Шавкат Мирзиёевнинг 2022 йил 23—24 февраль кунлари Қорақалпоғистон Республикасига ташрифи давомида берилган топшириқлар ва 25 февраль куни ўтказилган йиғилиш баёнида белгиланган топшириқлар ижросини таъминлашда камчиликларга йўл қўйгани учун қатъий огоҳлантирилган.
Шунингдек, Қорақалпоғистон Республикаси Вазирлар Кенгашининг Инвестициялар ва ташқи савдо, инновациялар, хусусийлаштирилган корхоналарга кўмаклашиш масалалари бўйича котибияти бошлиғи А.Сейтжановга ва Қорақалпоғистон Республикаси транспорт вазири Султанбай Сапаровга президенти ҳужжатлар ҳамда топшириқларининг бажарилишини ташкил қилиш, ҳужжатлар билан ишлаш, ижро интизомини назорат қилиш, топшириқлар ижросини таъминлашда юзага келган муаммоли масалаларни ҳал этиш юзасидан ўз вақтида зарур чоралар кўрмагани учун ҳайфсан эълон қилинган ва шахсий иш жилдларига қўшилган.
Қорақалпоғистон Республикаси автомобиль йўллари бош бошқармаси бошлиғи М.Алламбергенов эса мазкур лавозимга янгидан тайинлангани инобатга олиниб, огоҳлантирилган.
Изоҳ (0)