“O‘zgidromet” 21—22-may kunlari O‘zbekistonning ayrim hududlarida chang-to‘zon kuzatilishi mumkinligidan ogohlantirdi.
Ma’lum qilinishicha, 21-may kuni O‘zbekistonning shimoliy va cho‘l hududlarida, 22-may kuni esa respublika bo‘yicha ba’zi joylarda shamol tezligi 23—28 metr/soniyaga yetishi mumkin. “Ayrim joylarda shamol chang-to‘zon bilan kuzatilishi mumkin”, — deyiladi xabarda.
Gidrometeorologiya xizmati markazi fuqarolarni ehtiyot choralarini ko‘rishga hamda mashinalarni daraxtlar va reklama taxtalari ostiga qo‘ymaslikka chaqiradi.
17-may kuni “O‘zgidromet” bosh direktori Sherzod Habibullayev o‘zining Facebook’dagi sahifasi orqali 18–23-may kunlari kutilayotgan kuchli yog‘ingarchiliklar sabab respublikaning tog‘oldi va tog‘li hududlarida sel xavfi yuzaga kelishi mumkinligidan ogohlantirgandi.
Izoh (0)