Ғаллани сотиб олишда монополия ҳолатлари кузатилса, бир харидор томонидан харид қилинадиган буғдойнинг максимал ҳажмлари белгилаб қўйилиши мумкин. Бу ҳақда 19 май куни Иқтисодий тараққиёт ва камбағалликни қисқартириш вазирлиги бошқарма бошлиғи Акром Мўминов «Дарё» мухбири билан суҳбатда айтиб ўтди.
Унинг айтишича, бирор киши дон маҳсулотларини жуда кўп миқдорда сотиб олиб, уни монополия қилиш эҳтимоллари кўриб чиқилган.
Чунки биргина биржада бу спекулятив ҳолатлар деб аталади. Яъни айтиладики, битта харидор томонидан ҳамма ҳажмдаги буғдой сотиб олинади-да, кейин нарх ўсишини кутиб, ўсган вақтида қайта сотиб, фойда кўриш ҳолати кузатилиши мумкин. Бу ҳолатларни ҳам Монополияга қарши курашиш қўмитаси, Товар-хом ашё биржаси билан биргаликда аниқ механизмларини ишлаб чиққанмиз. Агар шундай ҳолатлар кузатиладиган бўлса, битта харидор томонидан харид қилинадиган буғдойнинг максимал ҳажмларини белгилаб қўйиш мумкин. Ёки нархлар кескин ошиб кетиши шароитида қўшимча биржага чиқариш орқали нархлар барқарорлигини бўйича аниқ чоралар кўрилади. Яъни айтмоқчи бўлганим, бу йўналиш бўйича бизда аниқ механизмлар бор ва бундай ҳолатга йўл қўйилмайди, — дейди у.Аввалроқ Акром Мўминов ғалла эркинлаштирилиши нархларнинг кескин ошишига олиб келмаслиги ҳақида айтган эди.
Мавзуга доир:
- «Нарх-наво барқарорлигини таъминлашнинг ягона тўғри йўли — бу фермерлар манфаатдорлигини таъминлаш» — Шавкат Мирзиёев
- Шавкат Мирзиёев раислигида ўтаётган йиғилишда давлат дон корхоналарида талон-торож қилиш ҳолатлари борлиги танқид қилинди
- Ўзбекистонда 1 июндан бошлаб ғаллани давлат томонидан сотиб олиш ва сотишда бозор нархларига ўтилади
Изоҳ (0)