Туркиянинг Истанбул шаҳрида бокс бўйича аёллар ўртасидаги Жаҳон чемпионатида ўзбекистонлик боксчилар ўз иштирокини якунлади.
Ўзбекистонлик боксчилар мусобақада иккита бронза медалини қўлга киритди. Шу тариқа Ўзбекистон вакиллари аёллар ўртасидаги Жаҳон чемпионатида илк бор совриндорлар қаторидан жой олди. Бунга қадар катталар ўртасидаги Жаҳон чемпионатида ўзбек аёл боксчиси шоҳсупага кўтарилолмаганди.
-50 кг вазн тоифасида Азиза Ёқубова ярим финалда колумбиялик Лорена Валенсияга қарши жанг қилди ва 1:4 ҳисобида имкониятни бой берди. Ёқубова мусобақани бронза медали билан якунлади.
+81 кг вазн тоифасида ҳаракат қилган Моҳира Абдуллаева ЖЧ ярим финалида марокашлик Ҳаижа Мардига қарши рингга кўтарилди. Абдуллаева 1-раундда оёғидан жароҳат олди. Шундан сўнг ҳакамлар жангни давом эттиришга рухсат бермади ва якунда ғалаба Марокаш вакилига тақдим этилди. Моҳира эса бронза медал билан кифояланди.
Шу тариқа дунё биринчилигида ўзбекистонлик боксчилар 2 та бронза медалини қўлга киритди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)