«ПСЖ» мавсумни клуб учун рекорд даражадаги даромад билан якунлади.
L’Equipe нашрининг хабарига кўра, парижликлар 2021/22 йилги мавсумда 700 миллион евро даромад кўрган. Бу кўрсаткич 2018/19 йилдаги рекорд — 637,3 миллион евродан ҳам ошиб кетди.
Лионель Мессининг жамоага келиши ортидан парижликлар 11 та янги ҳомийга эга бўлди. Бу йўналишдаги умумий даромад 310 миллион еврога етган.
GOAT онлайн-савдо платформаси билан тузилган шартнома француз клубига уч йил давомида 50 миллион евро олиб келади. Бундан ташқари Qatar Airways билан ҳамкорлик 60—70 миллион евро даромад келтиради.
Шунингдек, Мессининг «ПСЖ» сафига ўтиши футболкалар савдосига ҳам жиддий таъсир кўрсатди. Сотилган футболкаларнинг сони миллиондан ошади, уларнинг 60 фоизи Месси исми туширилган либослар.
Ўтказилган ўйинлардан кейинги даромад ҳам 2019/20 йилги мавсумдаги 93 миллион евродан жорий мавсумда 132 миллион еврогача кўтарилди. Ушбу даромад кейинги мавсумда янада ошиши кутилмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)