“PSJ” hujumchisi Kilian Mbappe Liga 1 ning 2021/22-yilgi mavsum eng yaxshi futbolchisi deb topildi.
Bu haqida Fransiya chempionati matbuot xizmati ma’lum qildi. Mbappe ketma-ket 3-marta eng yaxshi futbolchi nomiga sazovor bo‘ldi. Kiliandan tashqari Vissam ben-Yedder va Marten Terye ushbu sovrin uchun kurash olib borgandi.
23 yoshli hujumchi 2021/22-yilgi mavsum “PSJ” safida barcha musobaqalarda 45 ta o‘yinda maydonga tushib, 36 ta gol va 26 ta golli uzatmaga mualliflik qildi. 30-iyun kuni Mbappening parijliklar bilan shartnomasi o‘z nihoyasiga yetadi va u erkin agentga aylanadi.
Avvalroq Kilian Mbappe YChL finaliga qadar kelajagi borasidagi qarorni e’lon qilishi xabar qilingandi.
Izoh (0)