2021 йилда Ford компанияси Shelby GТ500 спорткарининг 55 йиллигини нишонлаб, бозорга замонавий авлод моделлари учун Heritage Edition чекланган версиясини тақдим этганди. Техник жиҳатдан автомобиль стандартлигича қолган, аммо ранги ва декоратив элементлари ҳисобига ташқи томондан фарқ қилади. Спорткарнинг америкалик эгаларидан бирига бу ҳам камлик қилиб, ўғли учун ҳам Shelby GТ500 моделини буюртма қилган. Ўйинчоқ автомобиль ҳам худди отасиники каби жиҳозланган, деб хабар беради Motor.
Тревор исмли шахс ўзига Heritage Edition пакетига эга Mustang Shelby ГТ500’нинг асосий кузов ранги кўк Brittany Blue бўлган ва оқ Wimbledon White пойга чизиғи туширилган вариантини харид қилган. Шунингдек, у отасининг спорткарини яхши кўрадиган фарзандини ҳам хурсанд қилишни истаган.
Машҳур ишлаб чиқарувчининг электр энергиясида ҳаракатланувчи Power Wheels линейкасида замонавий Ford Mustang ҳам бўлиб, оила бошлиғи ўғлига айнан шуни харид қилган.
Бироқ у ҳақиқий машинага ўхшаши учун митти модель тюнингга учраган. Болалар электромобили Mustang Shelby ГТ500 ғилдираклари каби дискаларга, кузовида оригинал эмблемаларга эга бўлган.
Эслатиб ўтамиз, Mustang Shelby ГТ500 770 от кучига (847 Нм) эга 5,2 литрли В8 компрессори билан жиҳозланган бўлиб, у етти поғонали Tremec «робот» узатмалар қутиси ёрдамида бошқарилади.
Бундан олдин ўйинчоқ пулемёт ва тутун чиқарувчи қурилмага эга болалар Aston Martin’и тақдим этилгани, Toyota водородда ҳаракатланувчи ўйинчоқ Mirai’ни ясагани тўғрисида хабар берилганди.
Изоҳ (0)