Япониянинг Toyo Tires компанияси ҳавосиз шиналар технологияси соҳасида «инқилобий прогресс»га эришганини маълум қилди. Бу каби «покришка»ларнинг ўзига хосликлари — тешилишларга бардошлилиги, босимни кузатиш зарурати йўқлиги ва анъанавий шиналардан узоқ муддат хизмат қилишида. Ихтирочиларнинг сўзларига кўра, шиналар 10 баробар мустаҳкамга айланган, резиналарнинг йиртилишга бардошлилиги эса қарийб 40 фоизга ошган ва ҳозирда стандарт «покришкалар даражасида», деб хабар беради Motor.
Toyo Tires компанияси Noair номи остидаги ҳавосиз шиналарни 2006 йилда тақдим этган ва ўшандан буён уларнинг узоқ вақт хизмат қилиши асосий муаммо бўлиб келаётганди. Ўшанда японлар йиғиладиган стулларни ёдга солувчи кегайлар билан ёпилиб турувчи конструкцияни патентлаган эди: айнан улар нотекис йўллардаги зарбаларни ҳаво ўрнига қабул қилади.
Компания ҳавосиз «покришка»ларни кичик миқдорда ишлаб чиқариш билан шуғулланади, чунки япон қонунчилиги уларни умумий фойдаланишдаги йўлларда фойдаланишни тақиқлайди. Бу каби шиналарнинг асосий харидорлари — голф-клублар ва кўнгилочар боғлар эгалари ҳисобланади.
Бироқ Toyo Tires’нинг «покришка»лар бозори электрокарлар ва автоном бошқариладиган технологиялар оммалашаётган автомобиль бозори ортидан ўзгаришига ишончи комил. Шу сабабли ихтирочилар компанияси бу каби ҳавосиз шиналарни бошқа соҳаларда ҳам қўллаш мумкинлигидан умидвор.
Toyo Tires — ҳавосиз шиналарни ишлаб чиқариш билан шуғулланадиган ягона компания эмас. Франциянинг Michelin компанияси бир неча йил давомида Уптис (Unique Puncture-proff Tire System ёки тешилишга бардошли «покришка»лар) шиналар савдосини бошлашни режалаштирмоқда. Улар кейинги авлод Chevrolet Bolt электрокарлари билан тақдим этилиши мумкин.
Изоҳ (0)