SAIC концерни таркибига кирувчи Хитойнинг Roewe компанияси янги RX5 номли кроссоверини тақдим этди. Мазкур модель 2016 йилдан бери ишлаб чиқарилади, 2020 йилда эса рестайлингга учраб, номида Plus қўшимчасига эга бўлган. Марканинг ўлчовларига кўра, янги RX5 учинчи авлод генерациясига тааллуқли бўлгани сабаб фақатгина оилавий ҳисобланмайди. Хитойдаги оммабоп модель анча агрессив кўринишга эга бўлган, ўлчами катталашган ва замонавий қурилмаларга билан жиҳозланган, хусусан, силжитиш мумкин бўлган улкан экранга, деб хабар беради Motor.
Янги Roewe RX5 нинг ташқи кўринишидаги ўзига хосликлар — уч ўлчамли мураккаб тасвирга эга улкан радиатор панжараси, кўринмайдиган зоналарни мониторинг қилиш учун мўлжалланган камералар жойлашган олд қанотдаги қора қопламали деталлар.
Машина салонида «икки қаватли» марказий тоннел сақлаб қолинган, мултимедиа тизимининг вертикал тачскрини ўлчами 27 дюймга тенг горизонтал экран билан алмашган. Жумладан, янги кроссоверда экран бир вақтнинг ўзида ахборот-кўнгилочар тизимга ҳам, қурилмалар панелига ҳам жавоб беради.
Яна бир жиҳати — уни 30 сантиметр ўнгга силжитиб, олд ўриндиқдаги йўловчининг фойдаланишига бериш имконияти борлигида. Бироқ ушбу ҳолатда унинг хавфсизлик ёстиқчаси қай йўсинда очилиши номаълум.
RX5 тизими 5G алоқа тармоғини қўллаб-қувватлайди ва «ҳаводан» янгиланади. Шунингдек, овозли бошқарув ҳам бор бўлиб, «меню»дан панорамали томни бошқариш функцияси ҳам ўрин олган. Қўшимча тўлов эвазига кроссовер адаптив круиз-назорат, атрофни тўлиқ қамраб олувчи камералар ва бошқа замонавий электроника билан жиҳозланади.
Roewe RX5 188 от кучини (300 Нм) тақдим этишга қодир 1,5 литрли «турботўртлик» билан таклиф этилади ва у «робот» узатмалар қутиси ёрдамида бошқарилади. Келажакда моделнинг 79 от кучига эга бензоэлектр варианти ҳам тақдим этилиши режалаштирилган. Янги RX5 сотувлари Хитойда 2022 йил охиридан бошланади.
Эслатиб ўтамиз, 2021 йилнинг январида Хитойнинг Roewe Marvel R йўлтанламаси 5G V2Х функциясига эга дунёдаги биринчи «ақлли» электромобилга айланганди.
Изоҳ (0)