Ўзбекистонда биринчи чоракда банклар томонидан қарийб 700 млрд сўмлик солиқ тўланган

Ўзбекистонда 2022 йилнинг илк чорагида банклар томонидан бюджетга 680,5 млрд сўм миқдорида солиқ тўланган. Бу ҳақда «Piamg.uz» хабар бермоқда.

Йирик солиқ тўловчи банклар учлигида қуйидаги давлат банклари ўрин олган:

• ЎзСҚБ — 130,2 млрд.сўм;
• «Ўзмиллийбанк» — 126,0 млрд сўм;
• «Ипотека банк» — 113,5 млрд сўм.

2022 йил 1 апрель ҳолатига кўра, Ўзбекистонда 33 та банк ташкилоти, шу жумладан, 12 таси давлат улушига эга банклар фаолият юритмоқда.

Ўтган йилнинг мос давридан фарқли ўлароқ, тармоқ кўрсаткичлари сезиларли даражада яхшиланди. Бутун тармоқ бўйича фоиз ва фоизсиз даромадлари 47,1 фоизга ўсди. Соф фойда эса 2 трлн сўмдан ортиқни ташкил этди. Бу ўтган йилнинг илк чорагига нисбатан 36,6 фоизга кўпдир.

Активлар

Банк сектори активларининг умумий ҳажми 2021 йилнинг 1-чорагига нисбатан 21,1 фоизга ошиб, 449,2 трлн сўмга етди. 

Энг юқори активлар кўрсаткичи бўлган банклар: 

• «Ўзмиллийбанк» АТБ – 93,1 трлн сўм (+18.7 фоиз);
• «Ўзбекистон саноат – қурилиш банки» АТБ – 55,9 трлн сўм (+15.9 фоиз);
• «Асака банк» АТБ - 51,9 трлн сўмни (+8.8 фоиз).

Энг кўп соф фойда «Ўзсаноатқурилишбанк» олди – 319,2 миллиард сўм. Иккинчи ўринда «Ипотека банк» (309,1 млрд сўм), учинчи ўринда«Ўзмиллийбанк» (276 млрд сўм) жойлашган.

«Қишлоқ Қурилиш Банк» 154,3 млрд сўм билан тўртинчи, InfinBank эса 145 млрд сўм билан бешинчи ўринни эгаллади.

Шунингдек, биринчи ўнталикда яна бешта банк ўрин олган:

• «Капиталбанк» – 141 млрд сўм;
• «Ипак йўли» банк – 129,5 млрд сўм;
• «Ҳамкорбанк» – 129 млрд сўм;
• Trastбанк – 128 млрд сўм;
• Ориент Финанс Банк – 81 млрд.