Ўзбекистонда чет элда ишлаб чиқарилган автомобилларнинг сотув ҳажми ойлар кесимида маълум қилинди. Бу ҳақда Иқтисодий тадқиқотлар ва ислоҳотлар маркази «Дарё»га маълум қилди.
Апрель ойида чет элда ишлаб чиқарилган енги автомобиллар олди-сотдиси бўйича шартномалар сони 1,56 минг донани ташкил этди, бу эса февраль ойи кўрсаткичидан 3,2 фоизга камроқдир.
Чет элда ишлаб чиқарилган автомобилларнинг олди-сотди шартномалари апрель ойида ўтган йилнинг августидан бери энг паст кўрсаткични қайд этди — 1 189. Охирги 16 ой ичида энг юқори кўрсаткич декабрда қайд этилган — 2 411. Декабрь ойида «иномарка»лар сотуви ноябрга қараганда қарийб икки баробар ошган.
Январь ойида «иномарка»лар сотуви 1 506 тани ташкил қилиб, ўтган йилнинг шу даврига нисбатан қарийб икки баробар ошди. Февралда бу кўрсаткич 1 801 дона бўлган эди. 2021 йилнинг февралига нисбатан ўсиш 2,7 баробар бўлди.
Жорий йилнинг март ойида чет элда ишлаб чиқарилган автомобилларнинг 1 275 та олди-сотди шартномалари рўйхатдан ўтказилган.
Апрель ойида «иномарка»лар сотуви пасайган бўлса, маҳаллий ишлаб чиқарилган автомобиллар олди-сотдиси рекорд даражада кўпайди.
Январь ва февраль ойларининг ўзида бу кўрсаткич 2021 йилнинг шу даврига нисбатан 2,1 ва 2,2 баробарга ошган эди. Апрелда эса энг юқори кўрсаткич қайд этилди — 29 451.
Аввалроқ президент Шавкат Мирзиёев топшириғига кўра импорт автомобиллари учун божхона божи 2 баробарга қисқартирилгани ҳақида хабар берилган эди.
Изоҳ (0)