Наманган вилояти ҳудудидан ўтган 4Р-112 автомобиль йўлида содир бўлган йўл-транспорт ҳодисаси оқибатида бир фуқаро ҳалок бўлди. Бу ҳақда вилоят ИИБ ЙҲХБ ахборот хизмати хабар берди.
Маълум қилинишича, «Фарғона ҳалқа йўли» автомобиль йўлининг 93-километрида ҳаракатланиб кетаётган Gentra автомашина ҳайдовчиси бошқарувни йўқотиб, қарама-қарши тарафдан ҳаракатланиб келаётган Cobalt автомашинаси билан тўқнашув содир этган. Оқибатда Gentra ҳайдовчиси воқеа жойида вафот этган. Cobalt автомашинаси ҳайдовчи ҳамда йўловчиси шифохонага ётқизилган.
Ҳозирда ҳолат юзасидан терговга қадар суриштирув ҳаракатлари олиб борилмоқда.
Аввалроқ Наманганда 6 яшар болани Gentra уриб кетгани, Тошкентда Cobalt ва Spark тўқнашгани, Урганчда икки кишининг ўлимига сабабчи бўлган ЙТҲ юзасидан жиноят иши қўзғатилгани тўғрисида хабар берилганди.
Изоҳ (0)