Глобал маълумотлар барометрининг 2021 йил якунларига кўра рейтинги эълон қилинди. Бу ҳақда Давлат статистика қўмитаси хабар қилди.
Қайд этилишича, рейтингда 100 дан ортиқ мамлакатлар қатнашган. Ўзбекистон унда 32 балл тўплаб, 58-ўринни эгаллаган.
Ўзбекистон Глобал маълумотлар барометрининг асосий модулларида:
- «Очиқ маълумотлар ташаббуси»ни ўз ичига олган «Имкониятлар» модулида 80 балл тўплаб, 8-ўринни;
- мамлакатда очиқ маълумотлар сиёсатини ўз ичига олган «Бошқарув» модулида 52 балл тўплаб, 19-ўринни эгаллаган.
Аввалроқ Ўзбекистон олтин захиралари бўйича дунёнинг кучли 20 талик рейтингига киргани, матбуот эркинлиги рейтингида 24 поғонага юқорилаб, 133-ўринга чиққани, энг кам ўртача ойлик иш ҳақи тўланадиган 20 та давлат маълум бўлгани ва уларнинг орасида Ўзбекистон ҳам борлиги хабар қилинган.
Изоҳ (0)