Қорақалпоғистон Республикаси Беруний туманида ҳайдовчилик гувоҳномасини олиб бермоқчи бўлган авто ўргатувчи уста қўлга олинди, деб хабар беради Бош прокуратура ҳузуридаги департамент.
Маълум қилинишича, департамент ҳамда ДХХнинг Беруний тумани бўлимлари томонидан тезкор тадбир ўтказилган. Тадбир давомида «Б.А.» МЧЖ ўргатувчи устаси Н.Н. фуқаро З.Н.га ва унинг 3 нафар танишига авто ўқув жараёнларига умуман қатнаштирмасдан, имтиҳонлардан танишлари орқали ўтказиб, ҳайдовчилик гувоҳномасини олиб беришни ваъда қилгани аниқланган. Бунинг эвазига у 800 доллар ва 16 миллион сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ бир ҳафтада «права» олиб беришини айтиб, фуқаролардан пул олган эркакка жазо тайинлангани, Тошкентда 1 ҳафта муддатда «права» олиб беришини айтиб, фуқаролардан пул олган эркак ушлангани тўғрисида хабар берилганди.
Изоҳ (0)