Сурхондарёда ўқитувчи ўқувчини калтаклаётгани акс этган видео тарқалгани, мактаб директори ва зўравон ўқитувчи ИИБга олиб кетилгани тўғрисида хабар берилганди. Халқ таълими вазирлиги ҳолатга муносабат билдириб, ўқитувчи томонидан ўқувчиларга куч ишлатиш ҳолатини кескин қоралаган.
Маълум қилинишича, видеода тасвирланган ўқитувчининг хатти-ҳаракатлари юзасидан хизмат текшируви тайинланган. Текширув ҳаракатлари Сурхондарё вилояти прокуратураси томонидан алоҳида назоратга олинган.
«Шу ўринда юртимиздаги барча педагогларга болага нисбатан куч ишлатиш мумкин эмаслигини эслатиб ўтмоқчимиз. Халқ таълими вазирлиги ўқитувчи томонидан ўқувчиларга куч ишлатиш ҳолатини кескин қоралайди.
Бугунги замон ўқитувчилар ўқувчилар билан фақат дўстона муносабат ўрнатиш орқали натижага эришиш мумкинлигини тақозо этади. Ҳар бир ўқувчи билан муаммони биргаликда ижобий ҳал этиш — бугунги кун педагогининг бурчи ҳисобланади. Агар дўстона муносабат орқали натижага эришишнинг имкони бўлмаса, буни ҳал этиш учун боланинг ота-онаси ёки участка нозирини жалб этиш тўғри саналади. Мактабда бундай ҳолатларнинг барча кўринишларини бартараф этиб, ўқитувчиларни босиқликка ва ўзаро келишмовчиликларни тинч йўл билан ҳал этишга чақириб қолади», — дейилади муносабатда.
Аввалроқ Бош прокуратура ахборот хизмати Бандихон туманида ўқувчисини калтаклаган ўқитувчи иши вилоят прокуратураси назоратига олинганини маълум қилганди.
Мавзуга доир:
Изоҳ (0)