Qoraqalpog‘iston Respublikasi Beruniy tumanida haydovchilik guvohnomasini olib bermoqchi bo‘lgan avto o‘rgatuvchi usta qo‘lga olindi, deb xabar beradi Bosh prokuratura huzuridagi departament.
Ma’lum qilinishicha, departament hamda DXXning Beruniy tumani bo‘limlari tomonidan tezkor tadbir o‘tkazilgan. Tadbir davomida “B.A.” MCHJ o‘rgatuvchi ustasi N.N. fuqaro Z.N.ga va uning 3 nafar tanishiga avto o‘quv jarayonlariga umuman qatnashtirmasdan, imtihonlardan tanishlari orqali o‘tkazib, haydovchilik guvohnomasini olib berishni va’da qilgani aniqlangan. Buning evaziga u 800 dollar va 16 million so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq bir haftada “prava” olib berishini aytib, fuqarolardan pul olgan erkakka jazo tayinlangani, Toshkentda 1 hafta muddatda “prava” olib berishini aytib, fuqarolardan pul olgan erkak ushlangani to‘g‘risida xabar berilgandi.
Mavzuga doir:
Izoh (0)