Ўзбекистон халқ бахшиси Абдуназар Поёнов 68 ёшида вафот этди. Бу ҳақда «Дарё»га АОКАнинг вилоят бошқармаси бошлиғи Заҳириддин Тўраев хабар берди.
Абдуназар Поёнов 1954 йил Сурхондарё вилоятининг Қизириқ туманида туғилган бўлиб, 1975 йилда Тошкент ирригация ва қишлоқ хўжалигини механизациялаштириш муҳандислари институтини тамомлаган. Узоқ йиллар Қизириқ туманидаги умумтаълим мактабида ўқитувчи бўлиб ишлаган.
«Абдуназар Поёнов Шеробод достончилик мактаби вакили саналади. У достон айтиш анъанасини Мардонқул Авлиёқул ўғли ва Умар бахшидан ўрганган. Унинг ижро дастуридан ‘Алпомиш’ ва ‘Гўрўғли’ достони туркумига кирувчи бир қанча достонлар, шунингдек, достон ижрочилиги йўлидаги халқ қўшиқлари, термалар ўрин олган», — дейди Заҳириддин Тўраев.
Бахши 2003 йил «Ўзбекистон халқ бахшиси» унвони билан тақдирланган.
Изоҳ (0)