Ҳиндистонда эр-хотин ўз ўғли ва келини бир йил давомида фарзанд кўриши кераклигини талаб қилиб, судга берди. Акс ҳолда улар 50 миллион рупий (642 минг доллар) миқдорида компенсацияси тўлаши керак, деб хабар беради Deutsche Welle.
Санжив ва Садхана Прасад Уттаракханд штатининг шимоли жойлашган Хардвад шаҳар судига мурожаат қилган. Суд ишни 17 май куни кўриб чиқади.
Компенсация ўғилнинг оилавий ҳаёти харажатларини ўз ичига олади: беш юлдузли меҳмонхонада тўй, ҳашаматли автомобиль, Таиландда «асал ойи», ўғилнинг учувчиликка ўқиши. Бундан ташқари, даъвогарлар ёшлар учун уй-жой қуришга кредит олган. Ота-она ўз фарзандига тахминан 25 миллион рупий сарфлаган. Эндиликда эса улар бу пулларни қоплаш ва 25 миллион рупий маънавий зарар ундириш ниятида.
«Биз ўғлимизни катта қилиш учун орзуларимиздан воз кечдик. Аммо ҳаракатларимизга қарамай, ўғлимиз ва унинг рафиқаси бизга набира совға қилмай, кўнглимизни оғритди. Одамлар бу ҳақда мунтазам савол бериб, ярамизни янгиламоқда», —дейилади даъвода.
Прасаднинг мурожаатида қайд этилишича, эр-хотин оила қурганига олти йил бўлган, бироқ улар олдингидек фарзанд кўришни режалаштирмаяпти. «Набирали бўлсак, биз у билан вақтимизни ўтказамиз, шунда ҳис қилаётган оғриқларимизга ҳам чидаш мумкин бўлади», — дейди у. Улар молиявий жиҳатдан қийинчиликка учрагани, аммо болага ғамхўрлик қилишга тайёр эканликларини таъкидлаган.
Ота-онанинг сўзларига кўра, ўғил ва унинг рафиқаси улар билан деярли мулоқот қилмайди, иши сабаб бошқа шаҳарда яшайди. «Келимизга худди қизимиздек муносабатда бўламиз. Шунга қарамай, у бизга жуда кам вақт ажратади», — дейди эр-хотин Times of India газетасига берган интервьюсида.
Анъанавий ҳинд оилаларида уйланган ўғиллар одатда ўз ота-онаси билан қолади. Оила қураётган аёллардан ҳам улар уй хўжалиги ва бола тарбияси билан шуғулланиш талаб этилади.
Изоҳ (0)