Голливуд юлдузи Анжелина Жоли Львовга БМТнинг қочқинлар масалалари бўйича элчиси мақомида ташриф буюргани тўғрисида хабар берилганди. Актирсани биринчи бўлиб Львовдаги кафелардан бирида пайқаб қолишган — ҳайратга тушган меҳмонлар Голливуд юлдузини видеога олиб, уни ижтимоий тармоқларга жойлаштирган. Бироқ роликларнинг асосий қаҳрамонига Жоли эмас, кафе мижозларидан бири айланган. Наушник тақиб олган ҳолда ўтирган болакай актрисага ҳеч қандай эътибор қаратмай, телефонини томоша қилишни давом этган. Ижтимоий тармоқ фойдаланувчилари уни кўриб қолгач, болакайга боғлиқ юзлаб мемлар пайдо бўла бошлади. Энг машҳури — «Сен ва имкониятларинг» бўлиб, унда йигитча шундай машҳур инсон билан мулоқот қилиш имкониятидан маҳрум бўлганига эътибор қаратилган.
Кейинроқ видеодаги йигитнинг шахси маълум бўлган — у Львовдаги мактаб ўқувчиси 14 ёшли Юлиан. У ўзи иштирокидаги мемларни баҳолаб, ҳатто улардан бири билан суратга ҳам тушган. Йигитнинг сўзларига кўра, унинг бу каби кутилмаган машҳурликка ҳеч қандай эътирози йўқ.
«Уйга келсам, онам машҳур бўлиб кетганимни айтди. Энди ўзим иштирокимдаги мемларни тўплаяпман, бунинг ёмон жойи йўқ, майли, одамлар ижобий кайфият улашсин», — дейди у.
Изоҳ (0)