Reddit ижтимоий тармоғида ҳовлида турган иккита улкан «лампа» сурати кенг тарқалиб, кўпчиликнинг эътиборини тортди, деб хабар беради «Hi-Tech.Mail.ru».
Бир қарашда, кадрда бирор-бир декорациянинг модели тасвирланган ва уни кимдир орқа ҳовлисига ўрнатган дея тасаввур қилиш мумкин. Аслини олганда кадрнинг юқори қисмига яхшилаб эътибор қаратилса, лампочка илинган арқон пайқалади. Арқон — тасодифий оптик иллюзияни яратган сирни фош этувчи калит ҳисобланади.
Гап шундаки, суратда оддий лампочка жуда яқин масофадан туриб тасвирга олинган. Орқа тарафдаги ўт-ўланнинг яшил рангги шундай фон ҳосил қилганки, натижада лампочкалар ерда тургандек кўринади. Аслини олганда улар сураткашнинг кўзи қаршисида арқонга илинган ва ўт ҳамда панжарадан анча узоқда.
«Бу мен шу пайтгача кўрган энг ишончли иллюзиялардан бири. Суратга нима бўлганини тушунишим учун анча вақт кетди», — деб ёзади Reddit фойдаланувчиларидан бири.
Бундан олдин ижтимоий тармоқларда ит ёки эркак тасвири ноаниқ бўлган сурат бир қанча муҳокамаларга сабаб бўлганди.
Изоҳ (0)