Кўпинча кино ва сериалларда севишган жуфтлик ролини бирга ўйнайдиган актёр ва актрисалар кейинчалик ҳақиқий ҳаётда учрашишни бошлайди. Улардан баъзилари ҳатто оила қуриб, фарзандлар ҳам кўрган. Бугунги қаҳрамонлар гўзал ҳамда энг кўп муҳокама қилинган турк жуфтликларидир, деб ёзади «Lisa.ru».
Бурак Ўзчивит ва Фаҳрие Эвжен
Бурак нафақат Туркияда, балки хорижда ҳам энг машҳур актёрлардан биридир. У ўзбек томошабинларига «Муҳташам юз йил», «Чолиқуши» ва Севги изтироби» сериалларида ўйнаган роллари туфайли таниш. «Севги изтироби»да кўпчилик Ўзчивитни ҳамкасби Неслиҳан Атагул билан ишқий муносабатда бўлган деб ўйлайди, чунки улар ошиқлар ролини маромига етказиб ижро этган. Бироқ Бурак бошқа актриса — Фаҳрие Эвженни севиб қолди, у билан ҳам суратга олиш майдончасида учрашган.
Аввалига жуфтлик «Чолиқуши» романининг янги версиясида бирга ўйнаган бўлса-да, уларда фақат иш ва дўстона муносабатлар бўлган, чунки Ўзчивит бу вақтда бошқа қиз билан учрашар эди. Аммо «Севги сенга ўхшайди» драмасини суратга олиш пайтида жуфтлик бир-бирига кўнгил қўйди. 2017 йилда Бурак ва Фаҳрие турмуш қурди ва ҳозир Кааран исмли ўғлини тарбия қилиб келмоқда.
Халит Эргенч ва Бергузар Корел
Томошабинлар «Муҳташам юз йил» юлдузи Султон Сулаймон ва Хуррам Султон бирга бўлишини орзу қилган бўлса-да, улар ҳаётда аллақачон оилали эди. Халит иккинчи турмуш ўртоғи — актриса Бергузар Корел билан «1001 кеча» сериалида суратга тушаётган вақтида танишган. Сюжетга кўра, қаҳрамон Бергузар ёлғиз она бўлиб, бемор ўғлини қутқариш учун бошлиғининг таклифига рози бўлади. Халит ижро этган қаҳрамон қизга пул нима учун кераклигини билмас эди. Кейин одатдагидек, қаҳрамонлар бир-бирини севиб қолади. Лекин нафақат қаҳрамонлар, балки ижрочиларнинг ўзлари ҳам ҳаётда бир-бирини севиб қолди. 2009 йилда Халит ва Бергузар турмуш қурди ва Али ҳамда Хон исмли ўғли, 2022 йилда эса узоқ кутилган қизи дунёга келди.
Керем Бурсин ва Ханде Эрчел
Эҳтимол, жуда ҳам машҳур, севимли ва энг кўп муҳокама қилинган жуфтлик Керем ва Хандедир. Уларнинг севги ҳикояси 2020 йилда «Эшигимни қоқ» сериалининг суратга олиш майдончасида бошланган. Етим ўсган гулчи қиз Эда ландшафт дизайнери бўлишни орзу қилади, лекин тадбиркор ва меъмор Серкан Болат туфайли у ўқиш имкониятидан маҳрум бўлади. Қиз ундан нафратланади, лекин бир кун ҳаёт қизни унга рўбаро қилади. Ажабланарлиси шундаки, бир-бирини ёмон кўрган йигит ва қиз ошиқларга айланади, шунингдек, ҳар сафар бахтга эришиш йўлида тўсиқларга дуч келади.
Афсуски, Эда ва Серкан бирга қолди, лекин Ханде ва Керем шов-шувли муносабатлардан сўнг ажрашишга қарор қилган кўринади. Яқинда актриса ўз саҳфасидан севгилиси билан тушган барча суратларни ўчириб ташлади.
Неслиҳан Атагул ва Кадир Доғулу
Неслиҳан ва Кадир ошиқлар ролини ўйнаган «Ишқ соҳиллари» сериалининг суратга олиш майдончасида учрашишди. Кейинчалик актриса партнёрига нисбатан бошқача ҳис-туйғуларни ҳис қила бошлаган, аммо Доғулга ҳамкасбидаги барча яхши фазилатларни кўриш учун вақт керак бўлди. Жуфтлик 2016 йилда турмуш қурди. Айтганча, Кадир рафиқасидан ўн ёш катта, аммо ёш билан боғлиқ тафовут уларнинг бахтли яшашига тўсқинлик қилмайди.
Серкан Чайўғли ва Ўзге Гурел
Серкан ва Ўзге 2014 йилда машҳур турк сериал фильмларидан бири «Гилослар мавсуми» сериалининг суратга олиш жараёнида танишган. Сюжет кўра, муваффақиятли, бой ва келишган йигит содда, истеъдодли, бутун дунёни забт этишни орзу қиладиган қиз билан учрашади. Ҳар доимгидек, уларнинг муносабатлари қарама-қаршилик билан бошланади, кейин эса ҳамма нарса севги билан тугайди.
Шундай қилиб, суратга тушаётган жуфтлик иш пайтида уларнинг юраклари тез-тез уриётганини ҳис қилди. Картина премьерасидан сўнг Чайғлу ва Гурел ўзларини жуфтлик деб эълон қилди — аммо икки йилдан кейин улар ажрашишди. Аммо, мухлисларнинг бахтига, актёрлар тез орада яна бирлашишди ва ҳали ҳам бирга.
Гўкберк Демиржи ва Ўзге Яғиз
Гўкберк ва Ўзге «Қасамёд» сериалида бирга суратга тушди ва иш бошланганидан кўп ўтмай улар ҳам гўзал жуфтликлар орасидан жой олди. Бундан ташқари, 2021 йилда Яғизга севгилиси турмуш чиқишни таклиф қилди.
Юлдузли жуфтликнинг мухлислари тўйни интиқлик билан кутаётган бир вақтда, Демиржи ва Ягиз ажрашишга қарор қилгани ҳақида миш-мишлар тарқалди. Уларга яқин манбаларнинг таъкидлашича, сўнгги пайтларда иш жадвали туфайли кам кўришган, шунинг учун улар муносабатларда танаффус қилишга қарор қилган.
Гўкҳан Алкан ва Несрин Жавадзаде
Ушбу жуфтлик сериалда гарчи севишганлар ролини ўйнамаган бўлса-да, уларнинг ишқий муносабатлари суратга олиш майдончасида бошланди. Гўкҳан ва Несрин «Қора ният» сериалида ишлаётган вақтда танишган. Улар лойиҳани тарк этгач, муносабатлари жиддий эканини эълон қилишди. Актриса севгилисини ота-онаси билан таништирди ва тўйга тайёргарлик кўрмоқда.
Айтач Шашмаз ва Жемре Байсел
«Тақдири ўйини» серила ҳам воқеала ривожи бўйича «Эшигимни қоқ»дан ортда қолмайди. Қизиғи шундаки, суратга олиш жараёнининг бошида қаҳрамонлар сингари ижрочилар ҳам бир-бирини ёқтириб қолди. Айтач ва Жемре турк киносининг энг гўзал жуфтликларидан бири саналади ва мутахассислар 23 ёшли актёрларнинг истеъдодини эътироф этиб, улар учун буюк келажакни башорат қилмоқда.
Изоҳ (0)