Turkiyada 2021-yilning eng go‘zal juftliklari nomi ma’lum qilindi (foto)

Turkiyada tez-tez turli mavzularda so‘rovlar o‘tkaziladi, masalan, aktyorlarni o‘zaro solishtirish, serialga baho berish yoki eng chiroyli juftlikni aniqlash bo‘yicha. “Ikkinchi sahifa” ko‘rsatuvi jurnalistlari tashabbusiga ko‘ra “Show TV” muxbirlari bilan hamkorlikda o‘tkazilgan so‘rov bu gal Turkiyaning eng go‘zal juftligiga bag‘ishlandi.

So‘rovnoma onlayn emas, balki Istanbul, Izmir, Anqara va Bursa ko‘chalarida o‘tkazildi. Jurnalistlar 18 yoshdan 65 yoshgacha bo‘lgan respondentlarga savol bilan murojaat qildi. Shuni ta’kidlash kerakki, respondentlarga juftliklar ro‘yxati berilmagan, ular o‘z xohish-istaklariga ko‘ra juftlik nomini ma’lum qilgan.

Shuningdek, so‘rovnomada nafaqat aktyorlar, balki musiqachilar, teatr va jamoat arboblari juftligi ham tilga olingan.

So‘rov natijalari ajablanarli bo‘lmadi, 2020-yilgidek g‘oliblar Fahriye Evjan va Burak O‘zchivit bo‘ldi, ammo ikkinchi o‘rinni boshqa bir juftlik egalladi. 2020-yil ikkinchi o‘rinni rafiqasi bilan Kivanch Tatlitug‘ egallagan bo‘lsa, bu mavsumda Kerem Bursin va Xanda Erchel ushbu o‘ringa munosib deb topildi. Uchinchi o‘rin esa Neslihan Atagul va Kadir Dog‘uluga nasib etdi.

Beshinchi va oltinchi o‘rinlarga Dilek Pinar va Tarkan juftligi hamda  teleboshlovchi Fotih Portakal rafiqasi bilan loyiq ko‘rildi. Yettinchi va sakkizinchi o‘rinlardan Kivanch Tatlitug‘ hamda turmush o‘rtog‘i, Berguzar Korel va Halit Ergench joy olgan.

Shuni ta’kidlash kerakki, ushbu tadqiqotni to‘liq obyektiv deb bo‘lmaydi, chunki u faqat 4 shahar bo‘ylab o‘tkazilgan. Ovoz berish paytidagi kutilmagan javob Adriana Lima va turk yozuvchisi Metin Xara juftligi bo‘ldi, ammo ular ancha oldin ajrashgan.