43 ёшли Золушка, Элзадек кийинган ҳақиқий малика: эртак қаҳрамони каби кийиниб, ҳамманинг эътиборини тортган машҳурлар (фото)

Қай биримиз болалигимизда эртакдаги маликалар каби кийинишни орзу қилмаганмиз. Машҳурлар, ҳатто катталар ҳам баъзида бундай хаёлларни ҳақиқатга айлантиришни хоҳлашади.

Золушка: Айшвария Рай ва Зендая

2017 йилги Канн кинофестивалида соҳибжамол Айшвария Рай чинакам ажойиб либосда кўриниш берди. Мовийранг мато ва шишган юбка афсонавий Золушка либосини эслатди. Танқидчилар ҳам 43 ёшли актрисанинг образига қойил қолишди ва уни ҳар қандай маликага муносиб деб аташди.

2019 йилги Met Gala’га Зендая Золушка қиёфасида ташриф буюрди. Актриса қизил гиламга сеҳрли таёқчали ҳақиқий «чўқинтирган пари» билан келди — унинг либоси чиндан ҳам ярқирарди. Актриса эса биллур туфлисини зинапояда қолдирди.

Белл: Кети Холмс, Алисия Викандер ва Лесли Манн

Жигарранг сочлар, елкалари очиқ сариқ либосдаги Кети Холмснинг 2014 йилги Met Gala’даги образи «Соҳибжамол ва махлуқ» фильмидаги афсонавий Беллни эслатарди. Актриса бу либосда ҳақиқий эртак қаҳрамонига ўхшади.

2016 йилда «Оскар»нинг қизил гиламида Алисия Викандер малика Белл образида намоён бўлди. Ҳатто актрисанинг соч турмаги ҳам мультфильм қаҳрамониники каби турмакланганди.

Бир йил ўтгач, 2017 йилги «Оскар» маросимида актриса Лесли Манн ҳам мода танқидчиларининг «Соҳибжамол ва махлуқ» фильмидаги афсонавий либоси версияси ҳақидаги кўплаб танқидларга сабаб бўлди.

Тиана: Лупита Ньонго

Қизни кўпинча Disney қаҳрамонининг тирик тимсоли деб аташади. Мухлислардан бири ҳатто актрисанинг бўлажак фильмда Тиана ролини ўйнаши учун овоз бериш жараёнини ташкиллаштирган ҳам. 2014 йилдаги «Оскар» маросимида актриса яна ўша малика образига мурожаат қилди.

Аврора: Элл Феннинг

2014 йилда Элл Феннинг малика Аврора роли учун яратилганлигини яна бир бор исботлади. Ёш актриса «Малефисента» премьерасида елкалари очиқ ҳаворанг либосда пайдо бўлди ва худди Disney маликаси экрандан тушиб, Голливудга кириб келганга ўхшарди.

Дин-дин: Меделин Пецҳ

«Riverдейла» юлдузи 2019 йилги Met Gala’да ҳақиқий пари бўлди. Афсонавий «Питер Пен»даги пари Дин-дин образида. Қизнинг сўзларига кўра, у бундай образни яратишни режалаштирмаган, лекин жуда ҳам ажойиб кўйлак топилган ва ҳаммаси бир-бирига мос тушган.

Элза: Кейт Миддлтон

Кембриж герцогинясининг либослари мунтазам равишда муҳокама қилинади. 2017 йилда Кейт ҳақиқий малика бўлишга қарор қилди. Унинг кўплаб кристаллар билан безатилган либоси оммани бир зумда ҳайратга солди: у «Музюрак»даги Элза эди! Либос жамоатчиликнинг шунчалик ёдида қолдики, ҳатто 2 йилдан кейин ҳам бир қиз герцогинядан нега ўша либосни киймаганини сўради.