«Оскар-2022» тақдирлаш маросимида Уилл Смит рафиқасига нисбатан қилинган ҳазил учун саҳнага чиқиб, шоу бошловчиси Крис Рокнинг юзига тарсаки туширгани ҳақида хабар берилганди. Ушбу воқеадан кейин актёрнинг ҳаёти бутунлай ўзгариб кетди, унинг иштирокидаги бир қанча лойиҳалар тўхтатилди, актёр Америка кино академияси аъзолигидан воз кечди. Унга 10 йил давомида «Оскар» мукофоти топшириш маросимида ва Америка кино академияси томонидан ўтказиладиган бошқа тадбирларда қатнашиш тақиқланди. Шундан сўнг актёр руҳий саломатлиги ҳақида қайғуришга қарор қилди, деб ёзади People Talk.
Маълум бўлишича, Смит даволаниш учун Ҳиндистонга кетган. Entertoinment Tonight нашрининг хабар беришича, актёр руҳий саломатлигини яхшилашга қарор қилган. Лекин Уилл томонидан ушбу маълумотга ҳали изоҳ берилмаган.
Эслатиб ўтамиз, актёр Уилл «Оскар-2022» тақдирлаш маросимида аутоиммун касаллигидан азият чекаётган рафиқаси Жаданинг соч турмаги билан боғлиқ ноўрин ҳазили туфайли қизиқчи Крис Рокка тарсаки туширган.
Изоҳ (0)